Amir El7ob
 
الرئيسيةالبوابةس .و .جبحـثالتسجيلدخول

شاطر | 
 

 قال بيقولوا ظل راجل ولا ظل حيطة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اميرة الحب
نائب مدير عام المنتدى


عدد الرسائل : 7
تاريخ التسجيل : 06/08/2008

مُساهمةموضوع: قال بيقولوا ظل راجل ولا ظل حيطة   الإثنين أغسطس 11, 2008 7:53 am

قال بيقولوا ظل راجل ولا ظل حيطة .. ياختي بلا وكسة!!

بذمتك عمرك سمعتي عن حيطة تقعد تشخر طول الليل وماتخليكيش تعرفي تنامي!

ولا حيطة تدخل من باب البيت تجعر: فين الغدا .. وبعدين تطين عيشتك عشان الملح طلع زيادة فيه.!

طيب شفتي حيطة تملا لك سقف البيت دخان .. وأرضيتيه سبارس ..

ولا حيطة تقعد تنكد عليكي عيشتك.. وتقول لك أنت رايحة فين وجاية منين !

ولا حيطة تصحيكي في عززززز الليل علشان (طبخه ) معرفش ايه ...طلع في دماغها !

ولا حيطة تدوخك وراها علشان تعرفي هيه بتكلم مين في التليفون بعد نص الليل !

طيب دي الحيطة معروف مكانها فين دايما .. انما المحروس يدوخك وراه علشان تعرفى هو سهران في أنهى داهية ..قال ايه عنده شغل!

بذمتك في حيطة تحاول تطلعك غلطانه في كل كلمة تقوليها علشان تثبت للعيال ان الحيطة تفهم أحسن منك !!

ولا حيطة تقعد تقول لك ماتطلعي بالفستان هذا أحسن ضيق شويتين .. ولما تقولي لها هاتي فلوس علشان تشتري فستان غيره تعمل ودن من طين وودن من عجين طيب اصلا حتى الحيطان لها ودان ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
amir_el7ob
مدير عام المنتدي
مدير عام المنتدي


عدد الرسائل : 28
تاريخ التسجيل : 13/04/2008

مُساهمةموضوع: رد: قال بيقولوا ظل راجل ولا ظل حيطة   الإثنين أغسطس 11, 2008 3:56 pm

يعنى الرجالة مش عاجبينك وبتقولى عليهم حيطة تقدرى تعيشى من غيرهم قصدى من غير الحيطة اما الرجل حيطة تبقوا انتوا اية santa
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://amerteelhob.mam9.com
اميرة الحب
نائب مدير عام المنتدى


عدد الرسائل : 7
تاريخ التسجيل : 06/08/2008

مُساهمةموضوع: رد: قال بيقولوا ظل راجل ولا ظل حيطة   الخميس أغسطس 14, 2008 6:12 am

والله مش احنا اللى قولنا عليكم حيطه دى المثل
ولو كنتم انت النصف الخشن احنا النصف الحلوولا ايه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو ناهد



عدد الرسائل : 6
تاريخ التسجيل : 14/07/2008

مُساهمةموضوع: قال بيقولوا ظل راجل ولا ظل حيطة ***   السبت أغسطس 16, 2008 10:27 pm

سوف اقوم با الرد عليك حسب عرضك للموضوع محل الرد ( الرجاء قرائة جيدا ) والله المعين 000
** اكيك حضرتك فهمتى غلط , المثل بقول :: ( ظل راجل ولا ظل حيطة ) يعنى الست لها من يسترها ويحميها , فشبه الرجل با الحائط كنايه عن الستره والحمايه والصلابه , مش من باب الشبه العينى ( يعنى الاثنين جماد ) اقول لا باعلى صوتى عمر ماكان الرجل جماد والا تبقوا انتم كمان جماد 0
وحضرتك ناسيه ان الست مخلوقه من ضلع الرجل ولابتفهموا على كيفكم !!!!

** ( بذمتك عمرك سمعتي عن حيطة تقعد تشخر طول الليل وماتخليكيش تعرفي تنامي! )
وهو الشخير بس للحائط 000 ههههههههههههههههههههههههههههههههههههههههههه ( بدون تعليق )

** (ولا حيطة تدخل من باب البيت تجعر: فين الغدا .. وبعدين تطين عيشتك عشان الملح طلع زيادة فيه.! )
بصراحه شديده انتوا تخلوا الحجر يتكلم 000 بس متزعليش اوى كده , حضرات الستات المشعجبهم الرجاله
الواحده فيهم جوزها يخرج من هنا وهى اما تنام لما يرجع ( يجعر ) او انها تروح عند الست الوالده تساعدها
فى شغل البيت , او انها تروح عند الست جارتها تعملها شيف , وتسيب بيتها من غير توضيب وغيره 00!!!
وعلى متشور على جارتها وتاخد واجبها تبص تلاقى الساعه بقت الواحده ظهرا تاخد بعضها وتجرى تولع على
الاكل وتمسك البيت تكروته قبل مايجى جوزها ( اقصد الحيطه ) ولسوء الحظ يجى جوزها قبل ميعاده بنص
ساعه , طبعا الاكل لسه الهانم حطاه على النار من نص ساعه تقريبا ,وفى عز الكروته الهانم لازم تنسى حاجه
ممكن الملح , ممكن اصلا تنسى تعمل الاكل , بالله عليكى هو مش خارج الصبح على كوب شاى ولا ناسيه
انك تحولتى الصبح لما قال فين الفطار , وردتى بصوت خشن فطار ايه هو فى حد يقوم الصبح ياكل اعملك
كوب شاى وروح شغلك , ولما تيجى اخر النهار هيكون الاكل تمام , بذمتك التى ليس لها مثيل مش ده الحصل ,
الراجل طلع الصبح على كوب شاى وراجع بيتهياله ان الست الختارها علشات تشاركه حياته بحلوها ومرها هتكون
مجهزه الاكل ومستنياه , ( ومش عيزاه يجعر؟!؟!؟! دى ابسط حاجه يعبر بها عن سعته بكى ) ههههههههههه

** ( طيب شفتي حيطة تملا لك سقف البيت دخان .. وأرضيتيه سبارس .. )
ده بعيد عنك اسمه زهق , لانه بيسمع حكاوى اصحابه فى الشغل عن ستتهم وانهم بيروحو البيت يلاقوا كله تمام
مش زى الغلابن المعزباه حضرتك , او ممكن حضرتك مسرفه جدااااااااااا بتتفننى فى ضياع المرتب قبل مايجى
ومضيعه الفلوس فى الفاضى ( انا عوزه اروح عند ماما اصل ماما تعبانه , انا عوزه ازور اختى اصل وانا بكلمه
فى التليفون حسيت ان جوزها مزعلها ( اكيد زى اخته مريحه جوزها , بتفطره الصبح شاى والغدء اكل باقى فى
الثلاحه من يومين و تعمل تعبانه علشان العشاء , وياكل تانى لقمت عيش بشاى )
شوفى لو الراجل حس من مراته انها بتحبه وتخاف عليه لازم هتكلمه فى الاشياء الغير مرغوب فيها وتاكدى انه
هيبطل السبارس نهايا 00

** ( ولا حيطة تقعد تنكد عليكي عيشتك.. وتقول لك أنت رايحة فين وجاية منين ! )
المعروف عن الحيطه انها لا تتكلم ولا تسمع ولاتجيب اكل وشرب ولبس ولا تدفع فاتورة التليفون ولا فاتورة
الكهرباء ولا فاتورة الميه ولا 000 ايه 00000 وايه 00000 وايه 0!!!!
ومن غير كل ده 0000 الهانم ناسيه ان الست مسؤله من الراجل وان الهانم لوراحت وجات يبقى هى متجوزه
راجل ولا 0000000000 حيطه 0

** (ولا حيطة تصحيكي في عززززز الليل علشان (طبخه ) معرفش ايه ...طلع في دماغها ! )
الراجل نايم من غير عشاء من بابه , زنبه ايه حلم برغيف العيش , افتكر انه شارى لحمه فى الثلاجه
من اسبوع , فنفسه راحتلها , تصدقى 000 هو غلطان ؟!!!
الصح انه كان يتخمد لصبح ويقلك انه نفسه ياكل زى الناس النهارده 000 مشكده برده !!!!

** ( ولا حيطة تدوخك وراها علشان تعرفي هيه بتكلم مين في التليفون بعد نص الليل ! )
الفضل يرجع لحضرتك فى حجتين $- انك مطنشاه خالص فى كله !!! وبصدفه تكون معاه ست حلوه فى
الشغل بنت فتها زمن الحوائط او مطلقه كانت حطيتها ميله 000 فلقى ست حسسته انه راجل مش حيطه 00
$- او ان حضرت اصاصتى ريشه زى الست ولدتك مافهمتك انك تطلوبى منه اكتر من دخله وتخلفيله
حيطان صغيره , من الطبيعى انه يمد ايده يستلف فلوس علشان بصرف عليكم , فصاحب الفلوس طلبها منه
اكر من مره وميعاد , وكل يوم يقله النهارده ولاسف انه ميعرفش يجيب فلوس يردها لصاحبه , فيطلبه
بنهار فى البيت ميلقهوش موجود , طيب الراجل عاوز فلوسه يعمل ايه بتصل عليه بعد نص الليل علشان
يلقاه , وهو من طيابت قلبه ميعرفكيش ليه علشان يكون مزاجك حلو تعرفى تنكدى عليه 000
عرفتى ان انتى السبب فى الاثنين و000 لسه 00 هيدوخك وراه ؟؟؟؟؟

** ( طيب دي الحيطة معروف مكانها فين دايما .. انما المحروس يدوخك وراه علشان تعرفى هو سهران في أنهى داهية 0.قال ايه عنده شغل! )
ارجعى لسببين السابقين وانتى تعرف المحروس سهران فى انهى داهيه !!!!!!!

** ( بذمتك في حيطة تحاول تطلعك غلطانه في كل كلمة تقوليها علشان تثبت للعيال ان الحيطة تفهم أحسن منك !! )
مش اذا كان ده اسلوبك من حقه يضربك برصاص مش يطلعك غلطانه بس , مش كفايه طينتى عشته السنين الا فاتت
وجيه كمان عوزه الحيطان الصغيره يبقوا زيك 000 حرام عليكى , سبيه يصحح المفاهيم عند العيال بدل متفسدى حياتهم 0

** (ولا حيطة تقعد تقول لك ماتطلعي بالفستان هذا أحسن ضيق شويتين .. ولما تقولي لها هاتي فلوس علشان تشتري فستان غيره تعمل ودن من طين وودن من عجين طيب اصلا حتى الحيطان لها ودان .. )
ماهو حضرتك بتحبى ديما تبصتيه , فعلشان كده سبتى كل الفستين العندك وجيه تلبسى الفستان بتاع الخطوبه لازم يبقى
ضيق 00 ليه 00 لن حضرتك كنتى اطوطه وزى العسل وده السبب الخلاه يقع فى دبديبك ودلوتى من الركنه عن
الجيران والنوم حتى العصر مليتى , فمنطقى يكون الفستان ضيق , مشكده ولا000 ايه !!!!
=================================================

***( والله مش احنا اللى قولنا عليكم حيطه دى المثل)
ماذا تقصدى يكلامك ده , معناه انك زعلانه على الحيطه او انك لا بحبك ياحيطه ولا ادر على بعدك 000000
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

** ( ولو كنتم انت النصف الخشن احنا النصف الحلوولا ايه )
فعلا احنا النص الخشن البيتعب ويشقى علشان حضرتك والحوائط الصغيره يعشوا مستريحين 000 ولا هناكل وننكر 00
زى القطط 000
فعلا انتو النص الحلو الجميل المستريح 000 ليه 000 اقولك يستى 000 شكلك ناسيه 000 وانا النوايه الا هتسندالزير 00
كل طلباتك مجابه من وحضرتك فى بيت 000 الحائط 00 ( متاسف 00 اقصد0000) وختى عليها حتى الان 000
=================================================
اتنمى اكون قد وضحت وجه نظر حائط من الحوائط التى ماعادت معكم يستات غير يقايا حائط 0000!!!؟؟؟
ممكن سؤال (***) عندما تمطر السماء , تجدى الناس تلجا الى الحيطه تدرى فيها ؟؟؟؟
ممكن سؤال أخر (*** ) طبعا البيت عباره عن مجموعة حوائط ,فاذا كان الرجل حائط ,فماذاتكون الست !!؟؟
ممكن كمان سؤال (***) بما يمثل الحائط فى حيات المرأة 00!!!؟؟؟
ممكن معلشى كمان سؤال (***) تعرفى تعيشى لوحدك فى وسط الحوائط , بدون حائط يحبك وتحبيه !!!؟؟؟
ممكن علشان خطر الحيطان سؤال أخير (***) عددالستات الارامل اكثر من عدد الحوائط الارامل , ليه ؟؟؟!!!
---------------------------------------------------------------------------
كفايه كده الحيطه اتهدت على الاخر 000
احب اشوف ردك , واجبتك على الاسئله , واشوف الحيطه ولا انتم الاقوى ...
مع تحياتى // ابوناهد 000
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قال بيقولوا ظل راجل ولا ظل حيطة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Amir El7ob :: منتدى الحوارات الساخنة :: شباب وبنات-
انتقل الى: