البــــنــــــــــــات واخده حقها تالت ومتلت

بعد مزيد من التحريات اثبتت النتائج اننا حقنا مهضوم
وان البنت وكلاها والعه ... وواخده حقها تالت ومتلت . اه والنعمه تالت ومتلت ..

نشوف ازاى ...

-البنت تتكلم براحتها في التليفون وابوها او جوزها اللي هيدفع
الفاتوره ..

- البنت مش ملزمه تجهز نفسها ابوها او خطيبها اللي هيدفعو
دم قلبهم..


- مفيش حد بيبص علي بدله العريس كله بيركز في فستان العروسه ..


- لو واحده عملت مخالفه مرور تعيط شويه للظابط
وهو يعديها ..

- البنت مش ملزمه تدفع ضرايب ابوها او جوزها بيدفعوها ..

- لو واحده متاخره علي المحاضره ممكن الدكاتره يدخلوها لو ولد
يقولوله روح يا بابا كمل بره في الشمس .. طب مهو لو قاعد فى الشمس هيكوون يعنى قاعد لوحده . مهى اكيد كانت معاه.


- لو حصل زعل بين البنت وباباها مش هيطردها بره البيت بس هي
يدوب دتخل الاوده وتعيط شويه وبابا يروح يصالحها أما الولد فيدوب
يلحق مكان ينام فيه جنب البواب .. ده لو البواب رضى بكده ..

شفتو ازاى وكلنها والعه ..

يا راجل ده حتى فى الدلع بيتدلعو احسن مننا ..


دلع البنات :
( سنتين )
ياختي قميله.
(5 سنين)
يا عسوله .
(12سنه)
يا عروسه .
(18سنه)
يا قمر .
(40سنه)
يا هانم .
(50سنه)
يا ست الكل .
(60سنه)
يا أم العيال .


دلع الأولاد:

(10 سنين)
انت ياد .
(18 سنه)
انت يا شحط انت بقيت طول الباب اهوه .
(40 سنه)
يا راجل .
(50 سنه)
يا عم الحج .
(60سنه)
يا راجل يا عجوز منخيرك اد الكوز والعيال تجرى وراك تحدفك بالطوب ..